För d’Gipfelstürmeri

D’Bergä gsehsch du us dim Zimmer,

mengmol i schönem Liecht, mit me bsundrige Schimmer.

No meh Bergä git’s i dim Alltag z’finde,

au die gilt’s immer z’überwinde.

Bi jedem Berg wo sich no vor dir erhebe wird,

wünschi dir, dass er zur Erfüllig führt.

Schaffe wirsch du jede guet,

denn du hesch d’Zuversicht und de Muet!

En Berg voll Liäbi wünschi dir zum Muettertag

sowie en Berg, wo di hebet, i jedere Lebenslag.

För s'Mami Du sorgsch di um d’Familie Tag för Tag, ihres Wohl isch dis oberschte Ziel. Aber niemert frögt öb s’Mami mag, Arbet git’s meischtens eher zviel. Es warms Essä stoht am Mittag do und d'Wösch wird gwäsche – fascht von elei. Ufgschmisse wöret mer ohni di do stoh, zum Glück hesch du a keime Tag frei. Öppis mit dir z'teile wo isch zum lache - oder öppis, wo eim grad uf em Herz liit. Mit dir cha mer redä über alli Sache, und weiss, dass es i guete Hände bliibt. Zum Muettertag säget mer «danke dir», för alles wo du för üs hesch geh. Das isch nu öppis Chliis, jo glaub mir, aber das Wort vo Herzä söllsch du neh.